بمشاهد ساخرة و أسلوب نقدي نشر لزهر الضاوي قصيده الجديد حول هدية أهالي بن قردان لرئيس الجمهورية الباجي قايد السّبسي خلال زيارته للمدينة أواخر الأسبوع الفارط.
-* “عرس الباجي”*-
*********************
“كل غريبة وغريبتها ”
كان” الناقة ” وحكايتها..!
..ناقة خطبوها للباجي..
وغدوة هام قالوا كسوتها..!
و”واحد ماي “..نهار “الدّخلة”..
في”عيد الشغل”..حلاوتها..!!
..اُحمص..اُنتَ ..يا “العبّاسي”..
“نوبل” بردت حكايتها..
والناقة الّلي عند الباجي..
قرّرنا نبنو “صَمبتها”..
في وسط القصر القرطاجي..
تتجلّى الصّورة وبهجتها..!!
و”البخور يعمل عجعاجي”..
و” قابس”.. عليها “حنّتها”..
..ويا شعبي قول ” ربي يكمّل “..
واشكر “بنقردان” الّلي هدتها..
وابشر..وَعلى ربّي عَمّل..
تونس خرجت من أزمتها..!!!